Филмскиот фестивал во Венеција ни го послужи италијанскиот гламур на старата школа на Холивуд, а исклучок не беше и појавувањето на Амал Клуни на црвениот тепих, прексиноќа на забавата „Cartier“.
Богот на гламурот Димитрис Ѓијанетос беше задолжен за фризурата и шминката на Амал.
– Сакавме да ѝ дадеме класичен италијански изглед. Не можев да замислам подобра инспирација од Софија Лорен. Големите локни и треперливата бронзена шминка беа совршени, а супер долгите трепки ги истакнаа нејзините „бамби“ очи – изјави тој за Vogue.
View this post on Instagram
Фустанот како сирена на Bach Mai по нарачка е инспириран од последниот фустан на дизајнерската колекција Resort 2023 – „Lightning Storm“.
Блескавите реси на дното со омбре ефект испрекинати со виолетови нијанси беа она што го издвојува овој корсет-фустан од моделите веќе видени на црвениот тепих.