Сардините се добар извор на протеини и се многу едноставни бидејќи не бараат долга подготовка или готвење.
Рибата е одличен извор на протеини, масни киселини и хранливи материи, а особено се популарни конзервираните сардини, пишува Mind Body Green.
Многу луѓе се прашуваат дали конзервираната храна е навистина здрава и хранлива. Нутриционистот д-р Џес Кординг откри дека, според експертите, најздрава конзервирана храна се сардините, но и другата конзервирана риба.
Тие се добар извор на протеини и се многу едноставни бидејќи не бараат долга подготовка или готвење.
д-р. Кординг објасни дека користењето на конзервирана риба во исхраната има бројни здравствени придобивки.
„Конзервираните сардини имаат тенденција да имаат пониска содржина на жива од многу други видови риби и се сметаат за еден од најдобрите избори на морска храна, особено ако свежата не е достапна“, изјавила д-р Кординг.
Кога јадеме сардини, додаде д-р Кординг, добиваме многу протеини, витамин Д и антиинфламаторни омега-3 масни киселини, а маслиновото масло обезбедува мононезаситени масти здрави за срцето.
Експертите препорачуваат две до три порции конзервирана риба неделно, измешана со тестенини или сама, а можете да ја додадете и во разни салати.