Анџелина Џоли и нејзината ќерка Вивиен се појавија заедно на црвениот тепих.
Вчера мајката и ќерката ја поддржаа пријателката актерка Кристен Бел (43) на отворањето на филмот „Reefer Madness: The Musical“ во Лос Анџелес.
Џоли (48) носеше шик црн костум кој го спои со бела маичка со сив принт на вратоврска, додека Вивиен (15) носеше црни панталони и соодветен елек преку бледо сина кошула. Кристен, пак, изгледаше неверојатно во долг црн фустан со прекрасни детали.
Reefer Madness: The Musical, продуциран од Кристен Бел и Алан Камингс, го враќа култниот класик на сцената нарекувајќи го „потопливо театарско искуство“.
Во интервју за магазинот People, Кристен и се заблагодари на ѕвездата за поддршката.
„Таа не ми даде никаков совет. Само рече дека сака да дојде и да ме поддржи, што го сфатив како прекрасен гест, особено за проект што се случува во Лос Анџелес кој нема голема театарска заедница или можеби има поинаков идентитет од заедницата во Њујорк“, вели Кристен.
Џоли го продуцираше Бродвејскиот мјузикл „Outsiders“, заснован на истоимениот роман за полнолетство на С.Е. Хинтон од 1967 година, кој беше отворен минатиот месец.
Потсетуваме, откако ќерките Шајло и Захара го одбија презимето на таткото на Бред Пит, сега тоа го направи уште едно дете. И нивната сестра Вивиен престанала да го користи презимето Пит, а го задржала само презимето на нејзината мајка Анџелина Џоли, пренесуваат американските медиуми.
Таа има 15 години и работеше како асистент продуцент на мјузиклот „The Outsiders“, па на списокот на луѓе кои работеа на проектот беше забележано дека го задржала само презимето на нејзината мајка. Засега не е јасно дали тоа го направила легално.
Откажувањето на презимето доаѓа по години на заладени односи меѓу Бред Пит и неговите деца поради разводот на нивните родители. Бред Пит со години нема никаков контакт со синовите Медокс и Пакс. Наводно, Анџелина поднела барање за развод токму поради конфликтот на актерот со Медокс во нивниот приватен авион, кој сакал да ја брани својата мајка.
Поранешните сопружници се уште не се договориле за старателството над шесте деца. Иако тројцата најстари веќе не се малолетни, тие се расправаат за тоа кој ќе ги воспитува Вивиен и Нокс (15). Но, изгледа децата ставија до знаење на чија страна се.