Љубовта кон јавањето Бела Хадид ја пренесе и на малите екрани – американскиот модел и супермодел изненади со актерски потфат во серијата „Yellowstone“. Таа се појави во неколку сцени како Сејди, девојката на дресерот на коњи Тревис, кој го игра креаторот на серијата Тејлор Шеридан, а со неа заедно е нејзиниот вистински партнер, успешен јавач Ејдан Бануелос.
@yellowstone Welcome to the Yellowstone family, Bella Hadid! #YellowstoneTV #BellaHadid #BethDutton #KellyReilly #TVClips
Хадид се појави во најновата епизода од петтата сезона на популарната американска серија, а во првата сцена Бет, ликот кој го толкува Кели Рајли, која доаѓа да го види Тревис, тропа на вратата. Вратата ја отвори токму супермоделот, што беше вистинско изненадување за гледачите. „Вие сте масерка?“ е нејзиниот прв одговор.
Кога Бет влегува во куќата барајќи го Тревис, го затекнува како игра покер со голема група луѓе, од кои еден е вистинскиот дечко на Бела, Ејдан. Таа му вели да оди во арената каде што ги чекаат потенцијалните купувачи на коњи, поради што Бет отпатува во Тексас. На родео арената, Бет и Сејди споделуваат уште една сцена, а веднаш се открива дека Сејди е девојката на Тревис, 25 години помлада и љубител на коњи.
Бела е долгогодишен јавач, а Ејдан е успешен каубој кој бил избран во Куќата на славните јавачи на 28-годишна возраст и е најмладиот некогаш примен во таа организација. Двојката првпат беше официјално видена заедно во октомври 2023 година и оттогаш се неразделни. Познатата убавица поради него се преселила во Тексас, па повторно почнала да јава и модните писти ги заменила со хиподроми, откако направи двегодишна пауза од манекенството. Иако многумина беа изненадени од овој потфат, ова не е прва актерска улога на Бела, таа во 2022 година се појави во две епизоди од серијата „Ramy“ која се прикажува на Hulu.
„Yellowstone“ е современа вестерн серија и ги следи животите на семејството Датон, предводено од патријархот Џон, кој го игра Кевин Костнер, кој е сопственик на најголемиот ранч во Монтана, Јелоустоун. Внатрешниот круг на Џон го сочинуваат неговата жестока лојална ќерка, извршната директорка Бет, неговите синови адвокат Џејми (Вес Бентли) и каубојот Кејс (Лук Грајмс) и неговата десна рака Рип (Кол Хаузер), кој ги контролира операциите на Јелоустоун. Заплетот обично се гради околу аутсајдери кои се обидуваат да ја преземат земјата на Јелоустоун или меѓучовечките односи на Датон и нивните блиски. Шеридан ја напиша речиси секоја епизода од серијата и има повторлива улога како трговецот со коњи Тревис Витли. Од 2018 година, серијата има висок рејтинг во Америка.