Куршумот испукан од револверот што го уби Џон Ленон во Њујорк во 1980 година ќе се најде на аукција во англискиот град Њукасл на Тајн во четврток и се очекува да достигне цена од 2.300 евра.
Аукциската куќа Андерсон и Гарланд го продава во име на семејството на Брајан Тејлор, британски полицаец од Њукасл во регионот Нортамбрија.
Имено, Тејлор бил застрелан при посета на њујоршката полиција во 1984 година додека се возел во полициски автомобил. Во знак на извинување бил однесен во полицискиот музеј каде се чува револверот.
„Таму му беше дозволено да испука куршум од оружјето што ги испука куршумите што ја погодија една од најобожуваните ѕвезди во музиката, Џон Ленон. Куршумот и чаурата му биле дадени на Тејлор како подарок. Ги монтирал и ги закачил на ѕидот од неговата канцеларија, каде што останале до крајот на кариерата“, објави аукциската куќа на својата веб-страница.
Внатре во рамката е фотографија на Тејлор во униформа како го држи оружјето.
Семејството на Тејлор одлучило да го предаде предметот на другите обожаватели на пејачот на Битлси, соопшти аукциската куќа.
Убиецот на Ленон, Марк Дејвид Чепмен, кој сега има 68 години, отслужува доживотна затворска казна.