По објавувањето на новиот албум, Бијонсе реши да ги почести своите обожаватели со лансирање на линија на производи за нега на коса.
Како што неодамна најави, поп дивата го лансираше брендот Cécred, чиј фокус е нега на коса, а официјално ги откри првите осум производи од линијата „The Foundation Collection“.
„Го изградив Cécred од темел. Сè што научив за време на мојот живот го пренесов во брендот. Cécred е да се даде приоритет на себе си и на сето она што го сметаш за свето“, рече Бијонсе.
Линијата вклучува шампон и пилинг за скалпот, хидратантен лосион, хранливо масло за коса и маска за реконструкција на косата со технологија за кератин третман.
Цените на производите се движат од 30 до 52 долари, а покрај поединечно купување на производи, можно е да се купат и комплети – „Super fan bundle“, „Double cleanse kit“, „Fermented orice and rose bundle“ и „Fortifying treatment kit“.
„Пораснав чистејќи ја косата во салонот на мајка ми. Ја гледав како ја трансформира косата мешајќи мејнстрим производи со текстура за нега на коса. Мојот животен сон беше да создадам производи за коса и да оживеам некои од учењата на мајка ми. Започнавме со приоритет на потребите на текстураната коса како мојата и на другите на кои им недостасува влажност и сила“, се вели на официјалната веб-страница на брендот.Сите производи на Cécred се достапни исклучиво преку официјалната веб-продавница