Диетата од 10 проценти не е гладување. Овој начин на исхрана бара здрава исхрана, водење дневник за храна и менување на животниот стил. Се заснова на идејата за здраво слабеење и препораките на нутриционистите дека секое губење тежина поголемо од 10 % од телесната тежина едноставно не е добро. Затоа 10 % помалку е максимумот што треба да го очекувате по 3 недели од овој план на исхрана и лесно ќе ги усвоите правилата.
Можеби 10 проценти помала тежина не е конечната тежина што ја сакате, но оваа диета претставува здрав, квалитетен и долгорочен процес на слабеење.
Како да знаете колку храна треба да јадете во текот на денот?
Едноставно, за секој килограм телесна тежина можете да внесете 25 калории. Според тоа, на пример, на маж од 70 килограми му требаат 1750 калории дневно. Таквото слабеење е побавно од ригорозните диети, но дефинитивно поквалитетно и поздраво.
Мени за диетата 10 %
Прва недела:
1 ден: зеленчук по избор, без ограничувања. Може да се јаде на различни начини – варен, сиров, динстан, во салати, чорби итн.
2 ден: варено месо по избор (може и виршли, шунка, риба).
3 ден: ориз или качамак (да се само малку посолени).
4 ден: млечен ден (се јадат сите млечни производи со малку маснотии, освен овошни јогурти).
5 ден: ден за јајца (се јадат само јајца на кој било начин).
6 ден: овошен ден (се јаде овошје по избор).
7 ден: протеински ден (јадете месо или риба по избор).
Втора недела:
1 ден: зеленчук по избор и варено месо. Може да се јаде на различни начини – варено, сирово, динстано, во салати, чорби итн.
2 ден: месо со зеленчук.
3 ден: ориз со зеленчук.
4 ден: млечен ден (покрај млечните производи, сега може да се додадат и прилози: јајца, салата или овошје).
5 ден: ден за јајца (како прилог може да се јаде салата, овошје или јогурт).
6 ден: овошен ден (се јаде овошје по избор, може да биде свежо, во форма на салати или компот).
7 ден: протеински ден (јадете печено месо или риба по избор).
Трета недела:
Третата недела е иста како првата. По три недели од оваа диета, вашата загуба ќе биде 10 % од почетната тежина. За време на оваа диета можете да пиете кафе или чај без шеќер. Од маслата, само ладно цедено маслиново масло. Се препорачува минимален внес на сол и дозволени се билни зачини. Не се користи ни запршка и не е дозволен леб.
НАПОМЕНА:
Јадете оброци само кога имате време за нив. Заборавете на јадењето пред телевизор, компјутер, брзање…
Јадете ги оброците полека, во мали залаци и џвакајте темелно. На желудникот му требаат дваесет минути да добие сигнал за ситост и затоа лесното јадење придонесува да се јаде значително помалку храна и на тој начин се контролира апетитот.
Вклучете најмалку 30 минути лесни вежби во вашата дневна рутина, и тоа секој ден.
Не претерувајте со честите мерења, па затоа се советува да стапнете на вага само кога ќе завршите со режимот.
Водете дневник за слабеење – статистиката покажала дека оние кои држат диетални дневници во просек губат 7 килограми повеќе од оние кои не го прават тоа…