Ким и Клои Кардашијан ги покажаа своите највпечатливи изданија додека го напуштаа хотелот во саботата на вториот ден од свадбата вредна 250 милиони фунти со потомството милијардерот Анант Амбани.
Ријалити ѕвездата Ким Кардашијан (43) блесна во традиционално здолниште лехенга украсено со многу монистра, додека Клои Кардашијан на сите им го одзеде здивот во драматично розово издание.
И двете носеа традиционални индиски костими, но на многу попровокативен начин. Ким дури се појави во кристален прслук.
Додека Ким и Клои се подготвуваа да одат на таканаречената церемонија на „божествени благослови“, сестрите беше тешко да не се забележат во нивните екстравагантни облеки.
Да потсетиме, вчера официјално започна венчавката на индискиот милијардер Анант Амбани и неговата долгогодишна девојка Радика Мерчант и сите светски и домашни медиуми брмчат за оваа свадба. Екстравагантните предсвадбени прослави веќе привлекоа големо внимание, а оние кои ја следеа двојката од почетокот очекуваат многу повеќе.
Инаку, деталите за венчавката се чиста екстраваганција – од храната што ќе се служи до дрес кодот кој им бил испратен на гостите на девет страници. „National News“ пренесуваат дека гостите имаат пристап до услугите за перење алишта за време на викендот. Она што особено шокираше многумина е фактот што испратија хеликоптери да земат одредени гости.
Меѓу гостите се Бил Гејтс, Хилари Клинтон и Марк Цукерберг кои присуствуваа на свадбата на сестрата на младоженецот во 2018 година. Невестата има 29 години и е ќерка на милијардерот Вирен Мерчант, кој е извршен директор на приватната медицинска компанија Encore Healthcare. Анант Амабани (28) е најмладиот син на Мукеш Амбани, најбогатиот човек во Индија.