Востановеното правило дека дамите секогаш имаат приоритет не важи во сите случаи, особено кога станува збор за бонтон во ресторанот.
Мажот најпрво влегува во ресторанот со цел да ја „истражи непознатата област“, односно да ја сними ситуацијата и да најде соодветна маса и по потреба да се погрижи за резервацијата. Дамите имаат предност при напуштањето на ресторанот, а оние кои ќе ја држат вратата ќе заработат дополнителен бонус, пишува Punkufer.
Кога станува збор за распоредот на седиштата, улогата на мажот е да седи на страната на масата каде што лесно може да го види келнерот и да му даде знак да ја донесе сметката.
Во случај нешто да не ви се допадне со јадењето, повикајте го келнерот и учтиво, но без одлагање објаснете што е проблемот. Не чекајте предолго бидејќи ако ја исчистите чинијата ќе ви биде потешко да објасните дека не ви се допаѓало.
Доколку се одлучите да пиете вино, имајте на ум дека чашата треба да ја држите за стеблото, а не за стомак – не само поради отпечатоци од прсти, туку и за виното да не се загрева непотребно.
Ако количината на прибор за јадење ве збуни, нема да погрешите ако со секое јадење го изберете најоддалечениот од вашата чинија. Ножот се држи во десната, а виљушката во левата рака, а кога ќе завршите со јадењето, оставете ги виљушката и ножот да стојат паралелно еден со друг. Ова е јасен сигнал до келнерот дека може да ви ги земе чинијата и приборот за јадење од масата.