Сигурно сте сретнале барем еден чипс со зеленикави рабови.
Една жена праша во група на Фејсбук зошто рабовите на чиповите се зелени. Некои одговориле дека тоа е поради делот од компирот кој бил зелен, а некои понудиле научни одговори.
„Компирот бил изложен на премногу светлина или сонце, што предизвикало развој на хлорофил во деловите од компирот кои биле над земјата“, објаснил еден корисник, а со ова се сложил и ботаничар, пишува Мирор.
Тој понатаму објаснува дека „компирите растат под земја и ако премногу се доближат до површината на почвата, на сончевата светлина се развива хлорофил (зелен пигмент), исто како во листот“.
„Не е штетно да се јаде и компирите воопшто не се нездрави, за зелените делови да ви наштетат на здравјето, би требало да ги јадете во многу големи количини“, рече ботаничарот.