Ви претставуваме рецепт за брз и лесен оброк со авокадо кој носи многу здравствени придобивки за вашето тело.
Авокадото дефинитивно треба да биде на вашето мени што е можно почесто. Бројни научни истражувања укажуваат на благотворните својства на ова овошје. Токму затоа авокадото е одговорно за многу здравствени придобивки. Авокадото содржи мононезаситени масти здрави за срцето, како оние во маслиновото масло, кои всушност го намалуваат холестеролот во крвта. Авокадото е исто така богато со витамин Е, фолна киселина и антиоксиданси, кои можат да помогнат да се намали ризикот од срцеви заболувања.
Авокадото е одличен извор на каротеноиди, како лутеин, и антиоксиданси, како што е витаминот Е. Авокадото содржи повеќе лутеин од кое било друго овошје. Истите фитонутриенти во авокадото кои го промовираат здравјето на очите, лутеинот и зеаксантинот, го инхибираат растот на клетките на ракот на простатата.
Поради сето горенаведено, не постои причина зошто авокадото да не биде често во вашата чинија. Ви пренесуваме рецепт за вкусни тестенини, кои се готови за само 20 минути!
Состојки
170 гр тестенини
1 големо исчистено зрело авокадо
1 лажица свеж сок од лимета
1 чешне лук
1/4 чаша сецкан свеж магдонос
1/2 лажичка сол
бибер
Подготовка на тестенини со авокадо
Сварете ги тестенините според упатството на пакувањето.
Авокадото, лукот, сокот од лимета, магдоносот, солта и биберот измешајте ги со рачен миксер додека не добиете мазна и кремаста смеса.
Со сосот прелијте ги тестенините и убаво измешајте. Зачинете со сол и бибер по желба. Послужете веднаш.