Тикток редовно ни открива вирални хитови. Еден зелен фустан го привлече вниманието на многумина, а видеото на тиктокерката која го носи собра над два милиони прегледи и бројни коментари за само два дена.
Станува збор за асиметричен фустан со реси, чија цена е доста висока – 320 евра. Токму нејзината цена ја поттикна дискусијата меѓу корисниците во коментарите. Тиктокерката го изрази своето задоволство од фустанот во видеото, истакнувајќи дека верува дека ќе изгледа „феноменално за секого, без разлика на тонот на кожата“.
Многумина истакнаа дека им се допаѓа, но дека им е прескапо.
@yasmindevonport_ Linked on ltk
Во видеото таа ја демонстрираше комбинацијата на фустанот со златни детали, вклучувајќи мини клач чанта, сандали со потпетици и накит, заклучувајќи дека фустанот е „многу убав“. Во коментарите многумина истакнаа дека цената е превисока, а други го изразија својот ентузијазам за фустанот, наведувајќи дека сакаат да го купат без разлика на цената.
„320 евра, што не е во ред?“, „Многу го сакам, но 320 евра се премногу“, „Прекрасно е“, „О, боже, заљубена сум во овој фустан“, „Опседната сум“, се дел од коментарите под видеото.