Водоинсталер открива што никако не смеете да фрлате во мијалник

Мастите и маслата, кои понекогаш без размислување ги истураме во мијалникот, може да ги затнат цевките и тогаш имате повеќе грижи отколку да не сте го направиле тоа. За да избегнете оштетување на вашиот водоводен систем, следете ги овие препораки на водоводџија.

Понекогаш едноставно немаме време и енергија правилно да се ослободиме од маснотиите по готвењето. Како што објасни водоинсталатерот Том Вотс за Mirror, маснотиите и маслото не ги загрозуваат само вашите цевки, туку го оштетуваат и вашиот мијалник.

„Масните масла и маснотиите што се акумулираат во кујнските одводи ќе се исушат и стврднат, изложувајќи го вашиот мијалник и сите апарати во кујната на опасност“, предупреди тој.

Наместо да истурате масло и маснотии во мијалникот, соберете ги во сад и фрлете ги, или прво соберете ги на салфетка. За да избегнете оштетување на вашиот водоводен систем, следете ги овие три клучни препораки од водоводџија.

Користете цедилка или филтер за мијалник

Повеќето кујнски мијалници доаѓаат со цедалка за да спречат големи парчиња храна или маснотии да се спуштат низ одводот, но инсталирањето поголема цедалка е уште подобра опција ако сакате да спречите затнување на одводот.

Остатоците од храната фрлете ги во канта

Иако можеби е полесно само да се одмијат мали парчиња храна од чиниите и садовите пред чистење, дури и најситните парчиња храна може да почнат да предизвикуваат затнување. Со текот на времето, голема количина храна може да се насобира во вашиот одвод и да предизвика проблеми.

Редовно чистете ги цевките

Доколку сте забележале промена во системот за одводнување, најдобро е да го исплакнете мијалникот со мешавина од сода бикарбона и оцет. Оваа смеса ќе помогне да се разбие постоечката маст и да се спречат понатамошни блокади.