На огледалото во бањата често остануваат дамки од бигор или сапуница, а сите знаеме колку е тешко да се исчисти површината без да останат траги од детергент.
Но, многу домаќинки се колнат во овој едноставен трик: Пред да се искапете истријте обичен сапун преку површината на огледалото. Кога ќе се капете, во бањата ќе се создаде пареа.
Откако ќе се искапете, само пребришете го огледалото со микрофибер крпа или со обична фротирна. На овој начин ќе се измазнат гребаниците, а и ќе се отстранат најголем дел од нечистотиите кои се наталожиле врз огледалото.
Исто така, ќе спречите и замаглување на стаклото и ќе го намалите ризикот од повторна појава на траги од бигор.