Не постои поедноставно јадење од варени јајца, бидејќи се што ви треба е сад со зовриена вода за да ги ставите. Но, американската писателка Мери Френсис Кенеди Фишер, која се посвети на гастрономијата, тврди дека тоа го правиме на погрешен начин.
Така, издавачите неодамна подготвија реиздание на нејзината книга How To Cook A Wolf од 1942 година, каде таа зборува за методите што ги користиме при готвењето јајца и зошто тие се погрешни, пишува Mirror.
Таа смета дека изразот „вари јајца“ е неточен и дека тајната на успешното подготвување на ова јадење лежи во тоа што всушност не е сварено. Таа објаснува дека кога ќе ставите јајце во зовриена вода, жолчката останува сурова, а белката веднаш се готви. Целта е да се сварат сите компоненти на јајцето во исто време на ист начин.
Затоа, нуди две алтернативи за кои верува дека постигнуваат подобри резултати. За да не пука лушпата, таа предлага прво јајцето да се прелие со ладна вода пред да се стави во врела вода. Оставете го на тивко онолку долго колку што сакате, а Фишер напоменува дека на овој начин ќе се готви исто толку брзо како зовриената вода, но ќе биде подобро сварено.
За вториот метод предлага јајцето да го потопите во ладна вода во мало тенџере кое потоа брзо го загревате и штом зоврие јајцето е готово и подготвено за консумирање. Сепак, таа подоцна призна дека има недостаток, бидејќи е потешко да се исчисти лушпата од јајцето ако ги користите нејзините методи.