Иако често слушаме за модниот стил на Французинките, кои ги нарекуваат и најдобро облечени жени во светот, има дами во другите делови на светот кои можат да се пофалат со беспрекорен стил.
Меѓу овие дами има и Италијанки. Има нешто особено кул, смело и примамливо во нивниот стил, што прави многу луѓе да сакаат да го копираат.
Дел од италијанската мода е софистицираноста на експериментирањето, а Италијанките знаат како да изгледаат полирано без разлика што носат. Исто така, не пропуштаат можност да се забавуваат во модата.
Италијанките имаат посебен моден стил, а ако сакате да одите во нивниот правец, подолу се четири совети за составување облека со врвен квалитет и италијанска естетика.
1. Не плашете се да мешате бои и принтови
Италијанките не се плашат да ризикуваат, а во исто време знаат да комбинираат бои и принтови, што не е секогаш лесна задача.
Тие не бегаат од бои кои го прават нивниот стил забавен и восхитувачки.
2. Не претерувајте
Италијанките знаат како да најдат совршен баланс при облекувањето и секое издание да го приспособат на приликата. Никогаш не претеруваат.
3. Зачувајте ги свечените фустани за вечерни пригоди
Едно од правилата што ги следат модните Италијанки е свечените фустани да се носат по стемнување. Важно е да се нагласи дека штом ќе се стемни, сè доаѓа во игра – вклучително и пердуви и металик материјали и светки и сè друго.
4. Внимавајте на рамнотежата кога се во прашање шлицовите и исечоците
Италијанките сакаат да избираат еден дел од телото за изложување користејќи шлицови. Рамнотежата им е важна, па нема да комбинираат никакви дополнителни исечоци или процепи со, на пример, гол грб. Ако шлицот е на долниот дел, горниот дел ќе биде нешто позатворено.
