„Семејна афера“ е насловот на новата романтична комедија во која главните улоги ги толкуваат оскаровката Никол Кидман и актерот Зак Ефрон, а официјалната премиера ја имаше овој четврток во Лос Анџелес.
Кидман (56) и Ефрон (36) отелотворуваат романтична двојка во новиот адут на Нетфликс, а веќе имаа можност да глумат заедно во филмот „The Paperboy“ од 2012 година.На свечените настани, познатата Австралијка редовно носи гламурозни креации со потпис на модната куќа Balenciaga, за кои глуми заштитно лице, но за премиерата на нејзиниот нов филм реши да направи исклучок.
Што се однесува до нејзините многубројни изданија досега, за ова последното се погрижи познатиот стилист Џејсон Болден кој ја облече во долг, тесен фустан во гола нијанса.Без презрамки и со постава на корсет, споменатата креација на Кидман ја потпишува дизајнерот Сабато Де Сарно на чело на италијанскиот Gucci, а огрлицата со масивни детали во златна боја е исто така дело на познатиот бренд.
Елегантното раздвоено коњско опавче со шминка во корални тонови дополнително го истакна дизајнот на Gucci, додека шлицот на дното ги откри сандалите во идентична нијанса, потписот на брендот во Paris Texas.
Претстојната романтична комедија „Семејна афера“, која пристигнува на Нетфликс на 28 јуни, ги истражува ефектите на неочекуваната романса што ги испреплетува животите на мајката (Кидман), нејзината ќерка (Џои Кинг) и познатиот актер (Зак Ефрон) .
