Многумина не го сакаат поради горчливиот вкус, но грејпфрутот е многу корисно овошје во зимските денови кога демнат многу вируси.
За разлика од другите цитрусни овошја, содржи спермидин, важна состојка која го забавува процесот на стареење на клетките и околу 90 отсто вода. Така, делува добро на кожата бидејќи ги намалува брчките.
Грејпфрутот е исто така докажан согорувач на маснотии, па затоа се препорачува за луѓе кои се на диета. Во исто време, тој е природен лек за оние кои страдаат од кардиоваскуларни болести, бидејќи најмалку два грејпфрути дневно ефикасно го намалуваат холестеролот во крвта.
Сепак, и лекарите и нутриционистите предупредуваат дека треба да внимавате да не јадете грејпфрут додека земате одредени лекови.
Како што е потврдено од студија на експерти од Универзитетот во Онтарио, може да се појават сериозни проблеми доколку лицето прими терапија која вклучува лекови за намалување на високиот крвен притисок, лекови за срце, малигни заболувања, антидепресиви и антибиотици и го јаде ова овошје.
– Грејпфрутот содржи хемикалии кои ги спречуваат ензимите кои го разградуваат лекот во желудникот, поради што ефектот на лекот може да се удвои и со тоа да предизвика оштетување на организмот – се наведува во студијата.