Моќен засилувач на расположението може да биде во вашата чинија со овошје.
Во една неодамнешна студија, научниците од Нов Зеланд испитале како киви може да влијае на нашето расположение, пренесува Newsweek.
Само четири дена откако јаделе две киви на ден, учесниците почнале да забележуваат подобрувања во расположението и самодовербата, а врвот го достигнале по две недели.
„Одлично е луѓето да знаат дека малите промени во нивната исхрана, како додавањето киви, може да влијаат на тоа како се чувствуваат секој ден“, вели еден од научниците.
Тој додаде дека додека учесниците кои земале таблети со витамин Ц покажале некои подобрувања, тие ги забележале најзначајните ефекти по консумирањето на целото киви, што укажува на тоа дека можеби има други хранливи материи во целото овошје кои исто така можат да придонесат за ментална благосостојба.
Се верува дека овие промени во расположението делумно се должат на високата содржина на витамин Ц во овошјето.
Претходните студии покажаа дека внесот на витамин Ц е поврзан со подобрување на расположението, виталноста и благосостојбата, додека недостатокот на витамин Ц е поврзан со повисоки стапки на депресија и когнитивно оштетување.