Освен во кремите, протеините кои ја прават кожата цврста и еластична можете да ги најдете во зелениот зеленчук и црвеното овошје, морските плодови и мисиркиното месо.
Првите знаци на стареење се појавуваат околу 25-тата година, бидејќи полека природно опаѓа производството на нови клетки на кожата, како и колаген и еластински протеини кои и даваат еластичност и цврстина, објаснуваат дерматолозите.
Оттогаш, според пресметките на експертите, просечниот човек губи 1,5 отсто од колагенот и еластинот годишно. Овие протеини обично се состојки во сите креми против брчки, но може да се најдат и во секојдневната храна.
Пазарите се преполни со сезонски зеленчук (јагодите од овошје), а за да не трошите премногу на креми, вклучете ги овие производи во менито.
Темно зелен лиснат зеленчук
Колагенот ќе го најдете во храната и во темнозелениот лиснат зеленчук. Обично е богат со антиоксиданс лутеин, кој ги неутрализира слободните радикали. Овие намирници се неопходни за кожата да го одржи својот младешки изглед.
Тоа се: спанаќ, зелка, кељ, блитва, брокула.
Црвено овошје и зеленчук
Во црвеното овошје и зеленчук, богати со витамин Ц, ќе најдете добар извор на ликопен. Служи за подобрување на антиоксидантното дејство и производството на колаген.
Тоа се: домати, цвекло, црвени пиперки, црвени јаболка, моркови, јагоди, агруми.
Производи од соја
Луѓето кои станале вегетаријанци често се фалат како нивната кожа станала поеластична и поубава. Причината за тоа е конзумирањето на соја и тофу, со кои за шест месеци можете да надоместите 6 проценти од колагенот. Поради фитоестрогените и елементот генистеин, сојата го стимулира производството на колаген.
Мисиркино месо
Мисиркината содржи голема количина на протеини, а особено е позната по карнозинот, кој се користи заедно со колаген за да го успори процесот на стареење на кожата. Недостатокот на карнозин ја опушта кожата и ги создава оние брчки кои жените најмногу ги мразат – околу усните и очите.
Омега масни киселини
Овој тип на киселина и помага на кожата да биде мазна и еластична. Тие се одговорни за одржување на здравјето на клеточната мембрана и служат како заштита од надворешни штетни влијанија.
Храна богата со омега масни киселини се: риба – лосос, туна, скуша и сардина, морска храна, јаткасти плодови – бадеми, семки од лен, како и ореви.
Минерали
Производството на колаген го стимулираат и овие минерали: магнезиум, железо, цинк.