Дали стевиата е добра за вас? Еве што мислат експертите

Популарноста на стевиа се зголемува во последните години, но од каде потекнува оваа замена за шеќер, дали има несакани ефекти и дали е безбедна?

Стевиата се добива од јужноамериканското растение Stevia rebaudiana, познато и како ребаудиозид А, реб-А или ребиан, пишува The Healthy.

Растението стевиа содржи стевиол гликозиди кои се користат како засладувачи. Може да се најде во пијалоци, десерти, гуми за џвакање, пекарски производи, слатки и јогурт. Може да се користи и при готвење и подготовка на десерти дома.

Дали стевиата е безбедна?

Кога се појави на пазарот, имаше одреден скептицизам. Според студиите спроведени од Центарот за наука од јавен интерес (CSPI), постоела загриженост дека стевиата може да го зголеми ризикот од рак и репродуктивни проблеми.

Со текот на годините, стевиа стана безбедна според стандардите на CSPI, иако групата сè уште сака да направи дополнителни тестирања за да ја утврди нејзината безбедност.

Потенцијални здравствени придобивки од стевиа

Контролирањето на нивото на шеќер во крвта е камен-темелник на управувањето со дијабетесот, а некои намирници се поефикасни од другите во овој поглед.

Стевиата не го зголемува шеќерот во крвта, објаснува диететичарката Леа Кауфман. „Стевиа би била добра и безбедна алтернатива на шеќерот за пациентите со дијабетес“, објаснува Кауфман.

Според студиите, докажано е и дека стевиата стимулира протеин кој е неопходен за перцепција на вкусот и е вклучен во ослободувањето на инсулин после оброк. Инсулинот го произведува вашиот панкреас за да го регулира шеќерот во крвта.

Европската агенција за безбедност на храната и Заедничката организација за храна и земјоделство утврдија дека прифатливиот опсег на дневен внес на стевиа не е поголем од 12 mg на ден.

Стевиата е и добра замена за шеќер бидејќи нема калории. „Оние кои ќе изберат да го заменат шеќерот со стевиа, можат да имаат корист од оваа алтернатива; сепак, слабеењето не е загарантирано“, вели Кауфман.

Како изгледа стевиата што се продава во продавниците?

Стевиа се добива од растение и е многу слатка. Често се меша со соединенија како што се еиртрол или декстроза за да ѝ се даде текстура и изглед слична на шеќер.

„Стевиа купена во продавница може да се меша со Reb-A или еритритол, шеќерен алкохол, кој може да има негативни гастроинтестинални ефекти и да предизвика дигестивни проблеми кај некои луѓе“, предупредува Кауфман. Прекумерното консумирање на шеќерни алкохоли може да предизвика дијареа, па затоа треба да внимавате каква стевиа купувате во продавница.