Наводно, документите за развод се подготвени веќе еден месец и парот се подготвува да излезе со заедничко соопштение за медиумите.Во изминатите недели низ светските медиуми кружеа гласини за разводот на Џенифер Лопез и Бен Афлек, а парот не се огласи за тоа.
Актерот и режисер веќе некое време не живее во нивниот заеднички дом во Лос Анџелес, кој, според медиумите, е на продажба, а извори блиски до Џеј Ло и Афлек тврдат дека нивниот брак е дефинитивно завршен.
Наводно, последните обиди за помирување пропаднале, а „документите за развод се финализирани, но сè уште не се доставени“, велат повеќе извори.
Наводно, парот потпишал развод и наскоро и официјално ќе објават дека повеќе не се во брак, а медиумите пренесуваат дека оваа вест ќе ја објават заедно.
– Пред еден месец завршија со документите за развод, но чекаат погоден момент да ги достават – вели блиско лице на сопружниците. – Потоа ќе објават заедничко соопштение во кое ќе се изјаснат колку се сакаат и, иако се бореле да успеат, не можеле.
Оваа вест доаѓа откако медиумите објавија дека на денот кога Џенифер го прославила својот 55-ти роденден, нејзиниот сопруг купил нов замок за 20,5 милиони долари.
Џенифер Лопез и Бен Афлек веќе некое време не се појавуваат заедно во јавноста, а летото го поминуваат одделно, па на 16 јули не го поминаа заедно ниту роденденот на латино дивата, ниту годишнината од бракот.
Патиштата на парот прво се вкрстија на почетокот на 2000-тите, по што беа во врска која будно ја следеа медиумите, а потоа се верија. Но, веридбата била откажана, а своевремено објасниле дека причината е огромниот притисок од медиумите.
Во меѓувреме, Џеј Ло се омажи за Марк Ентони и имаше две деца со него, по што се разведоа, а Афлек имаше три деца во бракот со актерката Џенифер Гарнер, по што следеше разделба.
Латино ѕвездата и актерот се помириле 17 години по раскинувањето на свршувачката и се венчале во април 2022 година,но по се изгледа дека по втор пат ќе им се разделат патиштата.