Дејвид Линч уживал во пушењето речиси цел живот, но оваа навика му донесе сериозни здравствени проблеми.
Линч почнал да пуши кога имал само осум години и се откажал на 76 години, а сега мора да користи дополнителен кислород за каква било физичка активност подолго од одење низ собата откако му беше дијагностициран емфизем во 2020 година.
„Во задниот дел на умот на секој пушач е фактот дека тоа е нездраво, па буквално си играте со оган. Може да ве изгори. Ризикував и изгорев“, изјави Линч во новото интервју за магазинот People.
Линч не можеше целосно да се откаже од пушењето до две години по неговата дијагноза.
„Видов порака на ѕидот и на неа пишуваше: „Ќе умреш за една недела ако не застанеш“, едвај се движев без да изгубам здив. Откажувањето беше мојата единствена опција“, изјави режисерот на Твин Пикс.
Неговата состојба, која предизвикува интензивно отежнато дишење, значи дека нема да може да се врати на режијата, иако можеби размислува да режира од далечина.
„Да се живее со емфизем е тешко. Едвај се шетам низ собата. Тоа е како да одам со пластична кеса преку глава”, изјави Линч.
Познатиот режисер откри и дека во последно време ретко излегува од дома.
„Никогаш порано не сум сакал да излегувам, па ова е добар изговор“, се пошегува тој.
Сепак, ако можеше повторно да го живее својот живот, веројатно немаше порано да се откаже од цигарите.
„Не жалам. Тоа ми беше важно. Сакам она што го сака секој зависник: она што го сакаме да ни биде добро. Го сакав мирисот на тутунот, вкусот на тутунот. Сакав да палам цигари. Тоа беше дел од мојот живот како сликар и режисер“, рече тој.
Тој исто така истакна дека не гледа проблем со прикажувањето на пушењето на екранот.
„Никогаш не мислев на тоа како разубавување. Тоа беше дел од животот. Некои од ликовите би биле пушачи, исто како и во реалниот живот“, објасни Линч.
Сепак, тој се надева дека неговата приказна ќе ги инспирира другите пушачи да се откажат пред да биде предоцна.
„Навистина сакав да го пренесам ова: Размислете. Можете да се ослободите од оние работи кои на крајот ќе ве убијат. Им должам ним – и на себе – да го кажам тоа“, додаде режисерот.