Британските медиуми пишуваат дека Мадона избрала и актерка која ќе ја толкува.
Снимањето на филмот за поп-ѕвездата Мадона треба да започне следната година. Како режисер и косценарист, пејачката со години работеше на филмот, кој првпат беше најавен во 2020 година, но го одложи снимањето поради турнејата. Сега британските медиуми пишуваат дека ѕвездата избрала и актерка која ќе ја глуми.
Зборуваме за Џулија Гарнер, најпозната по улогата на Рут Лангмор во криминалистичката драмска серија на Нетфликс, Озарк. Наградуваната актерка првпат беше избрана за проектот во 2022 година, откако помина низ исцрпувачка 11-часовна аудиција.
Меѓу актерките кои беа кандидати за улогата беа Сидни Свини, Флоренс Пју и Ема Лерд.
Мадона го заврши настапот во Бразил минатиот месец и сега се фокусира на снимање биографски филм.
„Џулија сè уште е нејзиниот избор за главна актерка и тие останаа во контакт во текот на изминатата година. Тие разговараа за идеи“, изјави извор за The Sun.
„Имаме многу работа со изборот на остатокот од актерската екипа, организирањето на снимањето и финализирањето на сценариото, но се надеваме дека ќе започнеме со снимање во следните 12 месеци“, додава изворот.
Во 2020 година, кога за прв пат беше објавен биографскиот филм, пејачката рече: „Сакам да им го пренесам на луѓето неверојатното патување на кое ме однесе животот како уметник, музичар, танчерка и човечко суштество кое само се обидува да го пронајдам мојот пат во овој свет“.
„Фокусот на овој филм ќе биде музиката. Музиката ме одржуваше во живот. Има толку многу нераскажани и инспиративни приказни, кој подобро да ги каже од мене“, додаде таа.