Бабите велеа дека ванилиците мора да се прават со маст, затоа што само така ќе се стопат во уста. Многу е важно и да стојат, а најдобро е да ги направите навечер и да почекате да седат преку ноќ. Тие ќе бидат вкусни и меки.
Состојки:
200 грама свинска маст
1 цело јајце
1 жолчка од јајце
500 грама брашно
4-5 лажици шеќер
2 кесички ванилин шеќер
сок од еден лимон
домашен џем од кајсии
Подготовка:
Со миксер се матат маснотиите пенесто, се додаваат јајцето, жолчката, шеќерот и сокот од еден лимон. На крајот додадете брашно и замесете тесто. Површината посипете ја со брашно, па развлечете го тестото до саканата дебелина и со тркалезен калап извадете ги колачињата и наредете ги во подмачкан плех. Печете ги на 180 степени додека не добијат препознатлива златна боја. Комбинирајте ги двете колачиња со домашен џем од кајсии. Наредете ги колачите на плех и посипете ванилин шеќер во комбинација со шеќер во прав.