Надуеноста обично поминува сама по себе ако е предизвикана од тежок оброк или храна што не ви годи
Надуеноста е феномен кој секој од нас го доживува одвреме-навреме, особено после обилен оброк.
Кога сѐ е во ред, непријатноста од надуеност обично престанува сама од себе, без никакви тешкотии.
Но, кога надуеноста е последица на некоја здравствена компликација, тоа може да бидат знаци кои треба да ве загрижат, сметаат експертите.
Оток е обично кога вашиот стомак е малку поголем, болен и придружен со чувство на непријатност. Веројатно ќе имате повеќе гасови или ќе ја слушнете и почувствувате работата на цревата.
„Сосема е нормално да имате надуеност од време на време“, вели Семи Гил, гастроентеролог и диететичар, додавајќи дека жените се со поголема веројатност да се чувствуваат надуени за време на менструацијата како резултат на активираните хормони.
Најчеста причина за надуеност е големата количина на гасови во цревата, но може да биде и количината на храна и течности во цревата или поради запек.
Одредена храна може да предизвика и надуеност, но еве кога надуеноста треба да биде причина за загриженост. Постојат четири знаци кои Семи ги навел како причина за посета на лекар.
– Доколку забележите надуеност која постојано ја чувствувате, таа е болна и влијае на вашето секојдневно функционирање. Добрата вест е дека постојат многу стратегии кои можат да ја ублажат непријатноста.
– Надуеноста може да биде знак за здравствени проблеми. Нетолеранција на храна или синдром на нервозно дебело црево може да биде причина зошто се чувствувате надуено.
И двете од овие здравствени состојби доаѓаат со симптоми како што се запек или дијареа.
– Кога надуеноста е придружена со болка, променети навики во тоалетот, кога се појавува крв во столицата и ненамерно слабеење, тоа може да биде сигнал за малигнитет на цревата.
– Жените повеќе страдаат од надуеност отколку мажите, а жените треба да бидат особено загрижени бидејќи надуеноста понекогаш може да биде знак за рак на јајниците.