Легендарниот музичар Елтон Џон им се обрати на своите фанови на Инстаграм и откри дека во текот на летото се борел со сериозна инфекција на очите.
— Во текот на летото се борев со тешка инфекција на окото, поради која, за жал, имам ограничен вид на едното око. Се опоравувам, но процесот е многу бавен и ќе биде потребно извесно време додека видот целосно да се врати на заболеното око“, напиша Елтон.
Во својата објава, музичарот му се заблагодари на „извонредниот тим на лекари и медицински сестри“, како и на неговото семејство – сопругата Дејвид Фуршин и децата Захарија и Илија – кои се грижеа за него во изминатите неколку недели.
Музичарот тајно се опоравувал дома, а како што вели оптимист е дека со тек на време ќе закрепне целосно.
Неговата објава предизвика бројни реакции кај фановите, но и кај познатите личности. Донатела Версаче напиша:
– Ти испраќам многу љубов, Елтон. Ти посакувам брзо закрепнување. Те сакам – додека легендарната манекенка Линда Евангелиста исто така му посака брзо закрепнување.
View this post on Instagram
Елтон минатата година имаше здравствени проблеми откако падна во својата вила во Ница. Поради тоа кратко време бил во болница, потврдил портпаролот.
– Можеме да потврдиме дека по вчерашниот пад во неговиот дом во Јужна Франција, Елтон ја посети локалната болница како мерка на претпазливост. По прегледот, тој беше пуштен веднаш утрово и сега е вратен дома – рече тој тогаш.
Музичарот тајно се бореше со рак на простата и беше опериран во 2017 година.