Кој не сака да ужива во чиста, мека и најважно од сè – облека која ќе мириса нежно и парфимирано како омилениот омекнувач?
Сепак, честопати правиме многу грешки кога се работи за нешто навидум толку едноставното како перењето облека. Така завршуваме со згужвани, обоени ткаенини кои не мирисаат ни малку пријатно.
Но, персоналот кој работи во хотелите со 5 ѕвездички откри неколку тајни кои се однесуваат на одржувањето на облеката и постелнината:
Правилно полнење на машината за перење алишта
Идеално, машината треба да се полни до 80% од нејзиниот капацитет. Ако ја преполните, облеката нема добро да се испере. Кога барабанот на машината е премал, не ја преполнувајте, бидејќи облеката нема да може добро да се изврти внатре и само ќе биде накисната со вода и прашок за перење.
Потребна температура на водата
Оптималната температура за перење се смета дека е од 40-60 степени целзиусови. Температурата од 60 степени е доволна за парчињата облека да бидат дезинфицирани и истовремено да се отстранат дамките.
Ако водата е поладна, нема да се отстранат бактериите, а ако е потопла ризикувате крпите и чаршафите да се оштетат од високата температура и да пуштат боја доколку не се бели.
Правилен начин на перење
Наместо да користат омекнувач кој со тек на времето се акумулира и ги прави крпите потешки, хотелскиот персонал користи алкохолен оцет. Додајте 100 ml оцет и вашите крпи и долна облека ќе бидат меки, а истовремено оцетот ќе го отстрани вишокот на прашок кој не се растопил во водата.
Како да победите во битката со дамките?
Свежи дамки од масло: Покријте ги со шеќер или густин, а потоа само исперете ја ткаенината.
Траги од доматен сос или кечап: Овие дамки може да се отстранат со хемикалијата WD-40 која може да се најде во секоја продавница за алати. Испрскајте ја дамката со WD-40 и оставете да делува 5-10 минути, а потоа исперете во ладна вода.
Дамки од пот на бела облека: На машината за перење вклучете пред-перење со било каков прашок за перење, а потоа за основниот циклус за перење употребете белило (варикина).
Дамки од вино и кафе: Потопете ја облеката или чаршафите 1 час во вода со сол (една супена лажица сол на литар вода), а потоа исперете ги.
Пожолтени бели ткаенини: Додајте половина шолја сода бикарбона со половина шолја прашок за перење и исперете ги ткаенините во жешка вода. Ова ќе ја отстрани жолтата боја и непријатните мириси.
Сушење на алиштата
Експертите препорачуваат секогаш кога е можно облеката да се суши надвор на сонце. Доколку морате да користите машина за сушење, тогаш ставете топче за тенис во барабанот, за вашите крпи да бидат меки и воздушести.