Сите машини за миење садови нудат различни циклуси на перење, а разбирањето на нивните добрите и лошите страни е клучно за изборот на најсоодветното перење за вашите потреби.
Сите машини за миење садови нудат три основни програми: главно или автоматско, еко и брзо перење. Од порталот Which? тие тестираа три модели на машини за перење и открија дека брзото перење, познато и како „quick wash“ или „експресно“, има свои ограничувања. Иако заштедува време, брзото перење не ги чисти и суши садовите толку ефикасно како главната програма, а во исто време троши повеќе енергија и вода, што ги зголемува трошоците.
Од друга страна, еколошкиот режим, иако исто така не е толку ефикасен во чистење и сушење како главната програма, троши помалку енергија и вода и е поевтин за користење на долг рок. Во краток тест за брзо перење, три машини за миење садови од големите брендови се покажаа како помалку ефикасни во чистењето од главната програма (74% ефикасност во споредба со 83%). Брзото перење исто така беше помалку ефикасно при сушење, со процент од 76% во споредба со 82%, и остави повеќе водени дамки на садовите.
Еко режимот не чистел толку добро како главната програма (79% наспроти 83%) и не ги сушел садовите толку ефикасно (76% наспроти 82%). Сепак, користи помалку енергија и вода, што може да резултира со заштеда од околу 30% од годишните трошоци. Префрлањето на еко режимот на работа може да ги намали годишните трошоци од 74 евра на 55 евра, што за пет години би донело заштеда од 100 евра во однос на главната програма или 130 евра во однос на брзото перење, пренесува Вечерњи лист.
Што се однесува до времетраењето, главната програма во просек трае околу 2 часа и 30 минути. Еко режимот трае подолго, околу 3 часа и 55 минути, додека брзото перење обично трае околу еден час, во зависност од производителот. Побрзо перење значи дека машината треба побрзо да ја менува температурата и потрошувачката на вода, што може да ја зголеми потрошувачката на енергија и вода и покрај пократкото времетраење.
Еко режимот, од друга страна, користи побавен и постепен пристап кон греењето, што ја намалува потрошувачката на енергија и вода. Во тестот, еколошкиот режим трошел 8,88 литри вода по циклус, додека главната програма трошела 10,79 литри и брзото перење 10,46 литри.
Значи, за оптимално чистење, сушење и енергетска ефикасност, главната програма е најдобриот избор. Брзото перење е корисно само кога сте во брзање, додека еко режимот е најдобар за долгорочни заштеди и помало влијание врз животната средина.