Една чаша пред спиење ќе биде доволна за да се ослободите од несоницата.
Домашниот сок од вишна може да промовира полесна транзиција кон мирен сон, бидејќи е природно богат со мелатонин, хормон кој игра клучна улога во регулирањето на циклусот сон-будење на телото. Истражувањата покажуваат дека вишните,имаат различни здравствени придобивки, вклучително и борба против воспаление, намалување на болката во мускулите и зајакнување на имунолошкиот систем.
Истражувањата покажуваат дека сокот од вишна може да им помогне на луѓето да заспијат побрзо и да спијат подобро и подолго. Позитивното дејство на сокот од вишна врз сонот е поврзано со триптофан и мелатонин. Мелатонин е хормон за спиење кој природно се лачи во одредени фази од денот за да го подготви телото за сон, додека триптофанот му помага на телото да произведе мелатонин, што го прави клучен за квалитетен сон, пишува порталот Health.
100 грама вишна содржи приближно 9 милиграми триптофан, а препорачаната дневна доза на триптофан за возрасни е помеѓу 250 и 425 mg. Експертите препорачуваат консумирање триптофан пред спиење, па пиењето сок од вишна може да биде најефективно доколку се конзумира навечер.
Колку сок треба да пиете? Па не многу, доволна е една чаша од 200 мл час пред спиење.