Неочекуваниот есенски тренд во маникир ги освојува сите љубители на новите и свежи трендови и полека ги преплавува социјалните мрежи.
Животинските дезени се секогаш популарни и ваквите маникир се исто така вистински хит оваа есен, но овој специфичен дезен внесува вистинска софистицирана уникатност во постудените денови. Станува збор за нокти со шема на крзното на крави.
Во комбинација со неутрални есенски бои како кафена, бела и црна, кравјиот принт дава измерен, но разигран изглед. Различни варијанти на овој маникир вклучуваат контрастни бои, минималистички детали или комбинации со цветни и метални додатоци. Овој тренд одговара на сите должини и форми на нокти – од кратки и квадратни до долги и во облик на бадем.
Всушност, кравјиот принт совршено се вклопува и во релаксирани и во елегантни облеки, додавајќи малку изразен ефект. Можете да го носите како детал на еден нокт или со него да ги обоите сите нокти. Исто така, варијациите со 3D украси како ситни цветови додаваат дополнителна димензија.
