Гравот е едно од омилените јадења во многу домови, но неговото консумирање често доаѓа со непријатна нуспојава – надуеност.
Главниот виновник за тоа чувство на тежина после јадење чорба од грав е фитинската киселина, природна компонента на гравот која го отежнува варењето. Затоа е потребно гравот да се кисне преку ноќ за да се избегне надуеност.
Ако сте заборавиле да го натопите гравот, не грижете се. Сè што треба да направите е правилно да ја искористите првата вода во која се варел гравот.
Во многу рецепти можеме да видиме дека гравот прво треба да се стави во вода, а потоа да се исфрли водата откако ќе зоврие. Потоа треба да додадеме нова вода, па да продолжиме да ја готвиме чорбата со грав по нашиот омилен рецепт.
Во таа прва вода всушност го има решението, а подолу проверете што да правите ако не сте го натопиле гравот преку ноќ.
– Гравот се става во тенџере со ладна вода, колку да се покрие и се загрева на средна температура додека водата не зоврие.
– Кога водата ќе зоврие, исклучете ја топлината и оставете го гравот да отстои во топла вода најмалку половина час до еден час. Оваа фаза е клучна затоа што овозможува зрната да набабрат, па времето за готвење станува пократко, а фитинската киселина и другите соединенија кои можат да предизвикаат надуеност почнуваат да се распаѓаат.
– Откако гравот ќе стаса во првата вода, процедете го и фрлете ја таа вода. Потоа додадете свежа вода и продолжете со готвењето по вообичаениот рецепт.