Гласините за проблеми со филмот „It Ends With Us“, адаптација на најпродаваната книга на Колин Хувер, почнаа да кружат по премиерата на филмот во Њујорк на 6. август, кога режисерот Џастин Балдони не беше фотографиран со неговите колеги од актерската екипа. DailyMail.com ексклузивно открива детали од судирите помеѓу Блејк Лајвли и Балдони за време на снимањето. Изворот тврди дека „сите малку се плашеле од Блејк“, додека Балдони бил исмејуван како „разбуден, перформативен феминист“.
– Лајвли не беше злобна, само беше многу груба. Немаше отворени расправии или тепачки, но 36-годишната актерка беше исклучително, невообичаено самоуверена и имаше цврсти мислења за сè, што предизвика голем стрес и напнатост на сетот, рече изворот, додавајќи дека тензиите се зголемувале секој пат кога Лајвли била присутна и не се срамела што работниците на сетот мораа да чекаат.
– Добив впечаток дека Џастин беше многу, многу под стрес и уморен поради постојаната неможност да го контролира проектот на кој работеше… толку многу што ако го прашате нешто, тој ќе рече – добро, само прашајте ја Блејк – тврди изворот.
На првиот ден од снимањето, откако продукцијата беше запрена поради деветмесечен штрајк на писателите, работниците на сетот сè уште беа очајни, многу од нив дури и ги загубија своите домови како резултат.
Затоа изворот вели дека Лајвли била многу невнимателна да ги донесе нејзините деца на снимање тој ден за да можат да постават штанд за да соберат пари за болните деца и коњите, додека филмската екипа се уште се борела да преживее. Од друга страна, гласините тврдат дека работата со Балдони (40) била тешка и на сетот.
– Џастин е многу сличен на Лајвли по тоа што мора да биде најпаметната личност во собата – рекол изворот, нарекувајќи ги режисерот и главната актерка – идиоти.