Наскоро започнува нова школска година, а наместо брзи оброци, научете ги децата на здрави навики. За овесна каша ќе ви требаат јагоди, боровинки и банани, овесна каша, јогурт, ванила,млеко и темно чоколадо.
Со завршувањето на летните одмори, многумина од нас се враќаат на напорниот начин на живот и секојдневните обврски. Во вакви моменти често прибегнуваме кон брзи и едноставни решенија, а една од здравите и брзи опции за појадок секако е овесната каша.
За овесна каша која ќе ве воодушеви, ќе ви требаат јагоди, боровинки и банани, овесна каша, јогурт, ванила, сол, млеко и темно чоколадо. Додадете свежо овошје по избор, овесна каша, јогурт, млеко, малку ванила и малку сол во блендер. Сè добро измешајте.
Можете да ја прилагодите количината на состојки во зависност од тоа колку порции сакате да направите. Откако сè убаво ќе се измеша, во чашата прво додадете неколку парчиња свежо овошје, па смесата со овесна каша, а одозгора додадете ја растопената чоколада.Доколку не сте љубител на чоколадо за појадок, слободно прескокнете го тој чекор. Потоа ставете ја чашата во фрижидер преку ноќ, а наутро ќе ве пречека здрав и вкусен појадок.