Кучињата имаат исклучително чувствителен слух и се способни да регистрираат многу поголем опсег на фреквенции од луѓето. Затоа, едно од објаснувањата зошто ја навалуваат главата е затоа што оваа навика помага и надворешниот дел на увото да се постави во вистинската положба, се за да можат да го лоцираат изворот на тој звук.
„Тие исто така можат да ги наведнат главите како одговор на одредени зборови кои би можеле да им бидат значајни, како што се храна, топка, ‘ајде да одиме’ “, објаснува Ваилани Сунг, експерт за однесување на животните.
Исто е кога на куче му кажете нешто што не го разбира целосно, па ја наведнува главата налево или надесно. Тоа може да биде природен одговор на работите што ги слуша, а кои го поврзуваат со нешто убаво и забавно, нешто познато, но тој не е сосема сигурен дека зборувате за тоа.
„Кучето се обидува да разбере што зборувате, што значи дека можеби се обидува да слуша зборови што ги разбира или му се значајни. „Кучињата знаат како да ги наведнуваат главите и кога оценуваат необични или нови звуци, тие се љубопитни суштества“, вели Ваилани Сунг.
Тие знаат да ја наведнат главата затоа што слушнале збор што звучи слично на друг збор што го знаат, но не звучи баш исто и можеби се малку збунети“, додала таа.
д-р. Стенли Корен објасни во Psychology Today дека кучињата исто така можат да ги наведнат главите за да видат подобро. Тој вели дека муцката на кучето му е во видното поле, исто како и човечкиот нос. Затоа, кучето знае да ја наведне главата за да ја придвижи муцката и подобро да види што го интересира.
Тој нагласува дека од оваа поза кучето може подобро да ја види човечката уста, особено кога човекот му зборува, пренесува Reader’ Digest.