Познат адвокат за развод ги откри двата главни проблеми кои предизвикуваат распаѓање на браковите – и како да ги спречите тие да ви се случат.
Џејмс Секстон е светски познат семеен адвокат со седиште во Њујорк. Правниот експерт има напишано и голем број најпродавани книги на оваа тема, меѓу кои „Како да се остане вљубен“ и „Ако си во мојата канцеларија, предоцна е“, пишува Мирор.
Адвокатот откри дека според неговото искуство двете главни причини за развод се неверството и парите, велејќи дека иако „изневерувањето е голем проблем, тоа е само компонента“. Џејмс објасни дека недостатокот на секс може да биде движечката сила зошто паровите на крајот одат по својот пат. Тој додаде дека мажите се почесто обвинети за изневерување, што потоа води до развод – но често е покомплицирано од тоа.
Тој објасни дека мажите секогаш бараат поголем квантитет на секс, додека жените копнеат за повисок стандард во спалната соба, бидејќи „мажите сакаат повеќе квантитет секс, жените повеќе квалитет“ и дека тоа е клучен фактор зошто мажите бараат сексуално внимание од други жени.
Џејмс изјавил дека употребата на порнографија е позастапена кај мажите како показател за точноста на неговата теорија, додавајќи: „Ова е истата причина зошто порнографијата е попопуларна меѓу мажите отколку кај жените, бидејќи мажите само сакаат да ја завршат работата.“
Проблемите надвор од спалната соба кои водат до развод обично се поврзани со проблеми со парите. Џејмс рече: “Постојат две главни причини зошто луѓето се разведуваат – неверство и пари. Парите се моќ. Парите имаат многу врска со моќта. Но, навистина, парите се само валута со која тргуваме, па мислам дека парите се поврзани со многу комплицирани работи. Луѓето се нечесни кон себе и со парите“, рече тој.