Сигурно купувате цимет со намера да го искористите за да ги подготвите вашите омилени десерти. Веројатно вашата куќа мириса за време на празничната сезона, но дали сте знаеле дека овој популарен зачин може да се користи и како бариера за да ги спречите мравките да се вселат во вашиот дом.
Верувале или не, овие инсекти не се љубители на циметот, па можете да ги избркате со помош на специфичниот мирис на овој зачин. Мравките го мразат силниот мирис што го испушта циметот и ќе се обидат да го избегнат, пишува House Digest.
Ако ставите стапчиња цимет на праговите, мравките ќе ги избегнат. Овој метод дефинитивно треба да го пробате доколку не сте љубител на спрејови против инсекти.
Сепак, иако може да изгледа забавно да се експериментира со нетрадиционални решенија за контрола на штетници, имајте на ум дека со агресивните наезди од мравки сепак треба да се справуваат со професионалци. Исто така, важно е да се напомене дека циметот не ги убива мравките. Иако ова е добра вест за оние кои претпочитаат хумани начини за контрола на штетниците, сопствениците на куќи кои се соочуваат со сериозни наезди најверојатно ќе сакаат да се држат до некои конвенционални методи.
Како да ги избркате мравките користејќи стапчиња цимет?
За да започнете битка со мравките со помош на стапчиња цимет, прво ќе треба да ги исчистите прозорските прагови со влажна крпа. Важно е оттаму да се отстранат сите потенцијални извори на храна за мравките како што се трошките или друг отпад. Откако целосно ќе се исушат, ставете неколку стапчиња цимет врз нив.
И научниците зборуваат во корист на овој метод. Во една студија од 2013 година, стапчињата цимет беа тестирани за да се види дали тие се ефикасни за мравки. Утврдено е дека го спречуваат влегувањето на инсектите на кои им пречи силниот мирис.
Ако не ви се допаѓа идејата да ги чувате стапчињата цимет на прозорските прагови каде што може да се видат, знајте дека една студија од 2014 година покажа дека етеричното масло од цимет, исто така, делува и како ефикасен лек против инсекти. Едноставно натопете неколку памучни топчиња во есенцијално масло од цимет и ставете ги покрај исчистените прозорски прагови. Кога мирисот ќе исчезне, ставете нови.