Познато е дека сетилото за вкус кај жените е многу почувствително за време на бременоста, па тие одбиваат некоја храна, а од некоја не можат да се изнајадат. Но, една храна од која многу трудници не можат да се заситат е кисели краставички. И тоа не вклучува само кисели краставички, туку и сок од кисели краставички.
Старата приказна за љубовта на трудниците кон киселите краставички не е мит туку реалност, а знаете ли од каде всушност потребата да ги консумирате?
Сè било „смучкано“ од мајката природа. Имено, трудниците природно почнуваат да чувствуваат потреба од храна која ќе ги стимулира.
Германските стручњаци велат дека затоа е сосема логично да се посегне по кисели краставички, но и други кисели намирници, бидејќи тие даваат стимулација на уморното тело поради големото количество на витамин Ц што го содржат. Благодарение на истиот витамин помагаат и во апсорпција на железо или калциум, што го стимулира растот на коските и затоа е многу важен за време на бременоста.
Некоја кисела храна, како што е рибата, исто така го стимулира производството на невротрансмитер серотонин, природен подобрувач на расположението.
Експертите исто така веруваат дека желбата за одредена храна е веројатно начинот на телото да каже дека одредена храна е всушност добра за таа личност.
Желбата за храна се менува за време на бременоста
Интересно е што некои експерти забележале дека желбата често се менува во различни фази од бременоста. На пример, многу жени стануваат преосетливи на горчина во првите две тримесечја – можеби за да се спречи конзумирање на штетни материи за време на раниот развој на бебето.
Важно е во исхраната за време на бременоста да се вклучи храната што ја сака трудницата, бидејќи тоа може да биде показател за тоа што и е потребно на мајката или на детето за здрав развој. Многу намирници не се толку здрави, па затоа е важно да се ограничи количината. Премногу храна која не е нутритивно богата нема да помогне во развојот на детето и може да предизвика вишок килограми. Урамнотежената исхрана е неопходна за здрава бременост.