Еден месец пред премиерата, Нетфликс го објави официјалниот трејлер за втората сезона на серијата Squid Game, која досега собра повеќе од милион прегледи на YouTube.
Трилер серијата Squid Game имаше премиера во 2021 година и не требаше долго да стане најгледаната во историјата на стриминг сервисот. Серијата моментално има повеќе од 265 милиони прегледи.
Покрај тоа што постигна одлични рејтинзи, првата сезона на Squid Game беше номинирана за 17 Еми награди и освои шест.
Како и во првата сезона, креаторот на серијата Хванг Донг-Хјук ги режираше новите епизоди и работеше како извршен продуцент заедно со Ким Џи-ион, пренесува Индекс.
За што е новата сезона?
Три години откако победи во Squid Game и стана милионер, играчот 456 (Ли Џунг-џае) се враќа за да стави крај на луѓето зад смртоносната игра кои ги демнеат најочајните членови на општеството. За да успее во својата идеја, играчот 456 мора уште еднаш да учествува во опасната игра и да ги убеди другите натпреварувачи да се побунат.
Заедно со Ли Џунг-џае, Ви Ха-џун и Ли Биунг-Хун се враќаат во втората сезона. Ним им се придружуваат познатите корејски актери Им Си-ван, Канг Ха-неул, Џо Ју-ри и Чои Сеунг-Хјун.
Втората сезона на Squid Game ќе има премиера на 26 декември оваа година. Нетфликс неодамна потврди дека серијата ќе добие трета сезона, која ќе излезе следната година и ќе ја заокружи целата приказна.