Сигурно сите знаеме како да ја измиеме косата, нели? Едноставно нанесете малку шампон и исплакнете темелно. Но, излегува дека повеќето од нас тоа го прават погрешно цел живот. Фризерка објави вирално видео во кое објаснува како можете да добиете елегантна коса како од салон дома, само со промена на неколку работи во вашата рутина, пишува Mirror.
Таа тврди дека многумина од нас не ја мијат косата со шампон на вистинскиот начин, па дури рече дека има еден дел од прамените што воопшто не треба да ја допира водата со сапуница. Во видеото на TikTok, Рејчел Валентин рече дека секогаш ја прашуваат како правилно да ја измијат косата дома. Таа го започна своето видео објаснувајќи дека обично ја мие косата над када, со главата наопаку и со телото целосно надвор од тушот.
Прво гледа дали нејзината коса е мокра насекаде пред да започне со рутината за миење. „Кога го имам шампонот во раце, малку го разредувам за да биде подобар, а потоа го нанесувам на косата пред да почнам да го тријам. Ова осигурува дека шампонот е рамномерно распореден. Потоа ги користам врвовите на прстите со добар притисок и ја масирам главата на секоја област“, објасни Рејчел. Токму ова е една од причините зошто сака да ја мие косата над кадата, бидејќи и овозможува да допре до сите области на скалпот.
И сега доаѓа најважното – не тријте шампон на врвовите на косата. Рејчел тврди дека шампоните се формулирани за вашиот скалп и дека на вашите краеви не им е потребен, па можете да дозволите водата да го исплакне шампонот од вашата коса, нежно чистејќи ги врвовите додека го плакнете производот. Откако ќе го исплакнете шампонот, Рејчел го повторува целиот процес повторно со шампон како дел од двојното чистење.
Повторно исплакнува сè, а потоа ја „стиска“ (а не ја трие) косата со крпа за да не биде целосно влажна косата кога го нанесува регенераторот.
„Внимавам каде го ставам регенераторот. Не ми оди на темето, оди од средината до краевите, па потоа го чешлам со прстите“, истакна Рејчел.
@rachelvalentinehair Follow these hair wash steps and your hair will be just like when you leave the salon ! #haircareroutine #howtowashyourhair #greasyhairtips