Ако кожата над горната усна или бикини зоната секогаш се воспалува по депилацијата, постои начин да го решите овој проблем.
Иако ова е многу непријатно, тоа им се случува на многу жени, па не треба да очајувате и да мислите дека само вие се борите со овој проблем.
Освен што ги отстрануваат влакната, треба да знаете дека лентите го отстрануваат и површинскиот дел од кожата (како посилна ексфолијација), поради што порите остануваат отворени и многу брзо можат да се наполнат со нечистотија и затоа да иритираат. За среќа, со неколку едноставни методи можете целосно да го спречите тоа.
Прв чекор: Исчистете ја кожата и нежно направете пилинг на кожата што треба да се депилира. Погрижете се да нема шминка, нечистотија или мртви клетки на кожата кои можат да се „заглават“ во порите по отстранувањето на влакната. Ако имате закажан третман веднаш по работа, избришете ја кожата со влажно марамче.
Втор чекор: Кога ќе се вратите дома, веднаш избришете ја депилираната кожа со хамамелис (witch hazel), кој е антисептички и во исто време смирувачки. Не го допирајте тој дел од кожата.
Трет чекор: Ако вашата кожа е црвена и иритирана, нанесете малку мраз неколку минути и нанесете крем со хидрокортизон на кожата за да спречите воспаление.
Четврти чекор: Два дена по депилацијата избегнувајте какво било загревање и облека што не дозволува кожата да дише – тоа значи не одење во сауна и слични третмани. Кожата треба да биде ладна, чиста и на воздух за да може да се обнови што е можно поскоро.
Петти чекор: По неколку дена направете пилинг на кожата за да спречите враснати влакна и идни иритации, пишува Super Woman.