Иако беше на врвот на славата, актерката реши да ја прекине кариерата и да се фокусира на други работи.Познатата американска актерка со кубанско потекло Ева Мендез цела деценија не се појави на малите екрани.
Меѓутоа, сега таа откри дека е моментот да каже што ја натерало да се повлече од врвот на кариерата, а размислувала и за тоа дали наскоро планира да се врати на актерската професија.
За време на нејзиното појавување во емисијата „Good Morning America“, Ева зборуваше за својата дебитантска книга за деца, а ја разгледа и можноста за оживување на нејзината актерска кариера.
– Не знам. Ако има интересни улоги. Заминав во време кога пред 10 години некако се чувствував како да сум на својот врв. Знаете, работев со Рајан Гослинг. Тој е најдобар – рече таа низ смеа, а потоа додаде:
– Работата со Гослинг беше толку голема работа за мене, што мислев дека додека сум на врвот е моментот кога треба да заминам.
Во 2012 година, Ева го запознала нејзиниот сегашен сопруг Рајан Гослинг на снимањето на еден од филмовите.
Таа направи пауза од актерството за да се фокусира на воспитувањето на нивните ќерки Есмералда Амада (9) и Амада Ли (7) и да продолжи со други потфати.
– Имам многу среќа и си помислив, сакам да поминувам време со моите деца. Сепак, и тогаш работев, едноставно не глумев, бидејќи глумата ќе ме однесеше до којзнае каде, на некоја друга локација, а јас тоа не го сакав. Потоа постигнавме договор, јас и господин Гослин, тој оди на работа, а јас само ќе работам од мојот дом – објасни таа.
И покрај тоа што нивната врска ја држеше подалеку од очите на јавноста, парот повремено покажуваше поддршка еден за друг.