Познатата уметница од синоќешното доделување на Оскарите ја однесе дома својата втора златна статуа.
Синоќа се одржа церемонијата на доделување на Оскар, а Били Ајлиш стана најмладата личност која двапати ја освоила познатата награда.
Таа беше наградена за најдобра авторска песна, насловната песна на филмот „Барби“.
Ајлиш на тој начин го собори рекордот на Луиз Рајнер, која во 1936 година на 26-годишна возраст освои Оскар за најдобра женска улога,а потоа истата награда ја освои и следната 1937 година.
Да потсетиме, Били Ајлиш го доби својот прв Оскар во 2020 година за песната „No Time to Die“ од филмот за Џејмс Бонд.