Новото истражување покажува дека љубителите на пиво имаат полоши прехранбени навики, повеќе пушат и се занимаваат со помала физичка активност од љубителите на вино и други алкохолни пијалоци.
Истражувачите од САД, кои ги следеле навиките за консумирање алкохол на речиси две илјади возрасни, откриле дека оние кои консумираат различни видови на алкохол се поздрави од оние кои пијат само пиво.
Студијата предводена од д-р Медлин Новак од Универзитетот Тулејн покажала дека оние кои пијат пиво внесуваат најмногу калории дневно и најмалку вежбаат. Ова ги става на поголем ризик од дебелина и поврзани болести.
Д-р Новак објаснува дека лошите навики во исхраната можат дополнително да ги влошат негативните ефекти од прекумерното внесување алкохол, вклучително и заболување на црниот дроб.
Анализата е направена со споредување на исхраната на повеќе од 1.900 американски испитаници кои го користеле Индексот за здрава исхрана со максимален резултат од 100 поени.
За адекватна исхрана потребно е да се постигне резултат над 80 поени, но ниту една група алкохоличари во истражувањето не била ни блиску до тој стандард.
Просечни резултати:
– љубители на вино: 55 поени
– потрошувачи на жестоки и мешани пијалоци: околу 53 поени
– љубители на пиво: 49 поени
Истражувањето исто така покажа дека пивопијците често се помлади мажи, пушачи и луѓе со пониски примања. Причината за разликата во квалитетот на исхраната можеби лежи во контекстот на консумацијата – виното, особено црвеното, најчесто се конзумира со урамнотежена храна, додека пивото најчесто се избира во ситуации кога храната е богата со јаглехидрати и преработеното месо, грицките…
Ризици поврзани со прекумерно консумирање алкохол
Минатата година Светската здравствена организација (СЗО) предупреди дека не постои „безбедна количина“ на алкохол.
NHS препорачува најмногу шест чаши вино или шест пива неделно.
Прекумерното консумирање алкохол може трајно да го оштети црниот дроб, да го зголеми ризикот од неколку видови рак и да го подигне крвниот притисок.
Прекумерното пиење или пиење големи количини алкохол во краток временски период може да предизвика неправилно чукање на срцето и симптоми како што се отежнато дишење, замор и зголемен крвен притисок.
СЗО проценува дека алкохолот предизвикува три милиони смртни случаи во светот секоја година.