Јакните со предимензионирани раменици, а особено моделите во сива боја ќе бидат апсолутни владетели на есенските изданија. Или барем така тврдат познати светски дизајнери и модни куќи.
Колекциите на светски дизајнери и познати модни куќи за есен 2024/зима 2025 година се одликуваа со предимензионирани силуети.
Без разлика дали се работи за волуменозни здолништа, широки панталони или раскошни палта – атипични кроеви кои флертуваат со архитектонски елементи ќе бидат популарни во сезоната што следи.
Нагласените рамења на сако се враќаат во мода оваа есен, врз основа на моделите што ги популаризираше францускиот дизајнер Клуд Монтана во 80-тите години на минатиот век. Тогаш ова парче облека мораше да се комбинира со влошки за рамениците.
Колку поголемо, толку подобро – ќе биде главното модно правило оваа есен. Прави, наведнати или заоблени раменици – не е важно кој облик е, се додека се истакнува на сакото и привлекува внимание.
Најпопуларното модно парче несомнено ќе биде сивото сако. Станува збор за исклучително флексибилно парче облека кое може убаво да се комбинира со фармерки и деловни панталони, различни здолништа и фустани.
Сивите сакоа со нагласена силуета беа честа глетка во есенските колекции на познатите брендови – од Miu Miu и Prada до Stella McCartney до Mugler.
Инспирирајте се од фотографии од модните писти и пронајдете идеја за вашите есенски комбинации.
