Ако забележите еден или повеќе од следниве симптоми, можно е на вашето куче да му е премногу жешко или дури да страда од топлотен удар:
– повраќање
– дијареа
– немирно однесување
– континуирано задишување
– темноцрвени непца
– губење на свеста
Што можете да направите за да му помогнете?
Избегнувајте излегување во најжешките часови од денот: советот важи и за вас, но пред се за кучето кое ризикува да си ги изгори шепите шетајќи по жешкиот асфалт на патот, советува Нови лист.
Кучињата обично имаат малку влажен нос: многу сувиот нос, напротив, е показател за дехидрација и страдање од високи температури, но и изгореници предизвикани од прекумерно изложување на сонце без заштита.
Ако голем дел од телото е заштитен со крзно, кое служи и како штит од УВ зраците, некои делови (препоните, внатрешноста на ушите, долниот дел од шепите, носот) се изложени на ултравиолетови зраци без заштита.
Поради оваа причина, многу е важно на овие места да нанесете специјална крема за сончање за кучиња и да проверите да нема знаци на изгореници на овие најокриени места – првенствено сувост и пукање.
Дури и мачките, како кучињата, не можат долго да издржат на многу високи температури.
Еве ги симптомите на дехидрација и вознемиреност кои не треба да се потценуваат за вашата мачка:
– суви непца
– густа плунка
– лош апетит
– ниско ниво на енергија
– повраќање
– дијареа
Можете да замрзнете шише со вода, да го завиткате во крпа и да го поставите на местото каде што вашето домашно милениче обично го поминува поголемиот дел од своето време.
Не заборавајте секогаш да оставате многу свежа вода во нејзиниот сад, избегнувајќи употреба на пластичен сад (тоа го менува вкусот на водата и храната и може да ослободи хемикалии кои се штетни за животното).
Конечно, можете да создадете затемнети области во станот или градината: тие ќе претставуваат мали оази за да избегаат од топлината.