Со помош на овој трик, заборавете на прскање масло од тавата.
Пржењето храна може да биде вкусно, но прскањето со масло е сериозен ризик во кујната. Освен што предизвикува болни изгореници, прскањето масло може да предизвика пожари и да ги оштети кујнските површини. Правилните мерки на претпазливост при готвење со масло се клучни за одржување на безбедноста и чистотата во кујната.
Сигурно ве нервира кога целиот шпорет ќе ви се попрска со масло по пржење месо, риба, компири и слични јадења. Но, постои одличен трик со кој вашиот шпорет ќе изгледа како да не сте го користеле.
Додадете неколку зачини
За да избегнете прскање масло при пржење на храната, можете да користите капак, но тоа ја задржува пареата во тавата и го менува вкусот и текстурата на храната. Освен тоа, кога пржите храна во покриена тава, не можете да постигнете крцкава кора на месото. Значи, постои подобар начин да се спречи прскање на маслото – додадете малку сол во маслото.
Што треба да направите?
Истурете го маслото во тавата и додадете прстофат сол. На тивок оган лесно загрејте го маслото, а кога ќе биде доволно жешко додадете ја храната што сакате да ја испржите. Најдобро е да користите тава со дебело дно бидејќи се загрева рамномерно.За да спречите лепење на храната, истурете масло во тавата, а потоа посолете го дното на тавата. Внимавајте да не претерувате со количината на сол за јадењето да не стане премногу солено, пишува Alo!