Вчеравечер се одржа свеченото отворање на 77-то издание на Канскиот филмски фестивал кое собра бројни големи актерски ѕвезди, а меѓу нив беше и Џејн Фонда која навистина воодушеви со своето беспрекорно издание.
Дивата Џејн Фонда се појави во прекрасен црн комбинезон со долги ракави со V-деколте со цветни апликации и мониста на половината, а оваа креација излезе од работилницата на Elie Saab.
Таа обви наметка со животински принт преку комбинезонот за да додаде малку драма и многу стил на сè, а нејзините модни додатоци беа сребрени:ланче, нараквица, обетки и чевли со високи потпетици.
Џејн Фонда вчера се појави на балконот на познатиот хотел Мартинез во Кан и на тој начин покажа дека не мора и не сака никому да се докажува дали е нашминкана и беспрекорно облечена во секое време. Со возраста доаѓа самодовербата и искуството и уметноста да се ужива неоптоварено во животот.
