Покрај кремите за сончање, постојат и намирници кои можат да ви помогнат да добиете убав тен и да ја заштитите кожата од брчки и изгореници. Почнете да ги јадете најмалку 2-3 недели пред вашиот одмор.
Лубеница
Освежете се со лубеница, бидејќи изобилува со витамин Б, кој и помага на кожата побрзо да потемни, а воедно и ја штити од штетното влијание на сонцето. Лубеницата содржи и голема количина на вода, која ја хидрира кожата и на тој начин го спречува нејзиното сушење, што доведува до создавање на брчки.
Пиперка
Искористете ја сезоната, и обезбедете пиперки во вашата чинија секој ден, бидејќи се богати со бета-каротен, кој и дава убав тен на кожата. Црвените пиперки имаат најмногу бета-каротин – 841 mcg, зелената 340 mcg, а жолтата 110 mcg. Една порција се состои од една чаша сечкани свежи пиперки или две мали пиперки.
Праска
Секој ден јадете праска за ужина. Благодарение на големото количество на витамин Ц и бета-каротен, праските ќе ви помогнат да добиете убава боја додека се сончате, но и ќе го спречите штетното влијание на УВ зраците врз кожата, како и стареењето на кожата. Една порција праска значи едно поголемо парче. Праските исто така се богати со влакна, витамин А и калиум, но содржат и шеќер, па не претерувајте ако сте на диета.
Спанаќ
Покрај другите здравствени придобивки, спанаќот е богат со антиоксиданси и бета-каротин, кои ви овозможуваат да добиете убава златно-кафеава боја додека се сончате. Јадете го како салата или како прилог со месо. Една порција спанаќ значи една шолја сечкани листови. Зачинете го спанаќот со маслиново масло, бидејќи содржи незаситени масти кои му помагаат на телото да го апсорбира бета-каротинот од храната.
Домати
Тоа е одлична храна во летниот период. Освен што освежува и дава сила, содржи ликопен кој ви помага да добиете убав тен. Исто така ги спречува слободните радикали да предизвикуваат брчки. Една порција домати се состои од една чаша свежо сечкани или два мали домати. Ликопенот од доматите може да го намали ризикот од изгореници до 40% доколку се зема секојдневно.
Лимон
Во лето освежете се со лимонада, бидејќи лимоните содржат многу витамин А, кој го зголемува нивото на меланин во организмот. Меланинот е пигмент кој и дава боја на кожата. Покрај тоа, витаминот Ц од лимонот го обновува колагенот, што ја прави кожата позатегната и ги намалува темните дамки. Една порција лимон се состои од едно парче.
Моркови
Богат е со бета-каротен, кој ја поттикнува пигментацијата на кожата, поради што добива златно-кафеава боја. Морковите го чуваат и здравјето на кожата, бидејќи ја штитат од штетното влијание на слободните радикали. Една порција вклучува една чаша свежо сечкани моркови. Не претерувајте, бидејќи ако јадете премногу моркови, кожата може да ви пожолти.