Медот е одлична природна состојка која може да се користи за да се направат ефикасни домашни козметички производи.
Овие козметички производи од мед можете да ги направите сами дома, во вашата кујна.
Хидратантни маски од мед
Полн со антиоксиданси кои се добри за брчките и кожата, медот има антиинфламаторно и прочистувачко дејство на кожата. Исто така ја хидрира кожата. За маска за лице која сигурно добро ќе делува на вашата кожа ви е потребен само мед.
Нанесете една лажица мед на лицето, втријте ја во кожата и оставете да делува околу 15 минути. Потоа измијте ја маската со топла вода.
Побогата верзија на оваа маска ќе добиете ако измешате мед со жолчка од јајце. Нанесете ја смесата на чиста кожа. По 15-20 минути, измијте го лицето.
Пилинг за тело со мед и бадем
Овој домашен пилинг е идеален за телото! Текстурата на мелените бадеми ги отстранува мртвите клетки од кожата, а бадемите и медот ја хидрираат.
Измешајте две лажици мелени бадеми и две лажици мед за да направите паста. Истријте го лицето со кружни движења и потоа исплакнете со топла вода.
Меден лосион за кожа
Ако чувствувате дека кожата ви е сува, измешајте една лажица мед со една лажичка маслиново масло и малку сок од лимон. (Лимонот е познато дека е природен осветлувач на кожата) Нанесете го овој лосион на областите на лицето и телото кои се особено суви. Оставете го лосионот да делува 20 минути, а потоа избришете го со топла крпа.
Меден регенератор за зголемување на сјајот на косата
Постојат две можности. Првата е да измешате една лажица мед во еден литар топла вода. Исплакнете ја косата по миењето со шампон, оставете ја водата со мед на косата. Откако ќе оставите да отстои, исплакнете ја косата.
Втората опција е да измешате една кафена лажичка мед со пет чаши топла вода. Исплакнете ја косата и потоа оставете медот да делува. Потоа исплакнете ја косата, исушете ја и обликувајте ја како и обично.